პტენის საჯარო სკოლა პროექტი ვაჟა ფშაველა ,როგორც მთის არწივი

 პროექტის  სახელწოდება: ლიტერატურული საღამო: ვაჟა–ფშაველას ცხოვრების გზა.

პროექტის მთავარი იდეა/თემა: ვაჟა–ფშაველას ვრცელი ბიოგრაფიის გაცნობა/შესწავლა,ვაჟა–ფშაველას ბლოგის შექმნა.

პროექტის აქტუალობა: მოსწავლეებმა მეტი უნდა იცოდნენ ამ დიდი მწერლის შესახებ, მით უმეტეს იგი გორშიც სწავლობდა სამასწავლებლო[საოსტატო] სემინარიაში, რომელიც 1882 წელს დაამთავრა.მწერალი აგრეთვე დაახლოვებული იყო გორის ხალხოსანთა წრესთან. მოსწავლეების მიერ შექმნილი ბლოგით ისარგებდაინტერესებული პირი.ლებს ყველა 

პროქტის მიზანი: ვაჟა–ფშაველას ბიოგრაფიული ცნობების ,ნაკლებად ცნობილი ფრაგმენტების მოძიება; ექსკურსია ჩარგალში მის სახლ–მუზეუმში; იმ გზის რუკის შედგენა, რომელსაც ვაჟა–ფშაველა გადიოდა ჩარგლიდან თბილისში; ვაჟა–ფშაველას ბრძნული გამონათქვამების მოძიება; დიდი მწერლების გამონათქვამების მოძიება ვაჟა–ფშაველაზე და მის შემოქმედებაზე; მოძიებული მასალით მისი ვებ–გვერდის [ბლოგის] შექმნა.

მონაწილეთა ასაკი:15–16 წელი

ვადები/ ხანგრძლივობა: 1 თვე

მოსალოდნელი შედეგები/ პროდუქტები:ბავშვები გაეცნობიან და შეიყვარებენ ამ დიდ მწერალს და მის შემოქმედებას. მოსწავლეებმა შესაძლოა გააკეთონ ალბომი, ბლოგი, ჩანახატი, ესეები.მათ გამოუმუშავდებათ კვლევა–ძიების, დამატებით  ლიტერატურაზე მუშაობის, მასალის კომპიუტერულად დამუშავების, ჯგუფურად მუშაობის უნარ–ჩვევა. უკეთ გაეცნობიან საკუთარი ქვეყნის კულთურულ მემკვიდრეობას.

პროექტისათვის საჭირო ძირითადი რესურსები: დამხმარე ლიტერატურა,მ ბიბლიოთეკა,ინტერნეტი,კომპიუტერი,პროექტორი.

პროექტის მსვლელობა [ძირითადი აქტივობები]:მოსწავლეებს დავყოფ ჯგუფებად. თითოეულ ჯგუფს მიეცემა ინდივიდუალური დავალება: 1)მწერალზე არსებული ლექსების შეგროვება, 2)ბრძნული გამონათქვამების მოძიება, 3)ექსკურსიიდან მიღებული შთაბეჭდილებების დამუშავება,4) ლიტერატურული საღამოს ჩატარებისათვის გეგმის შემუშავება, 5) ბლოგის დამ,უშავება.

საგნებთან/საგნობრივ ჯგუფებთან/ ეროვნულ სასწავლო გეგმასთან კავშირი; ლიტერატურაში–განუვითარებს ძირითად საკომუნიკაციო უნარებს: წერას, კითხვას, მოსმენას, საუბარს. გაიღრმავებენ ცოდნას ხელოვნებაში–პოეტის შემოქმედებაზე ნახატების შესრულებით, ლიტერატურული ნაწარმოებების მიმოხილვით. ისტ–ის ტექნოლოგიებში– ინტერნეტიდან მასალების მოძიება,დამუშავებით,გაცვლით,პრეზენტაციების შექმნით ვებ–გალერეაში სურათების ატვირთვით.

Minecraft: Education Edition

 

 

ბავშვთა უფლებები და მოვალეობები

 

                 სსიპ -  ქ. ახალქალაქის მუნიციპალიტეტის სოფელ პტენის  საჯარო სკოლის მასწავლებლის ანა მერაბიშვილის  მე-6 კლასში ჩატარებული სამოდელო გაკვეთილი

თემაზე -  ბავშვთა უფლებები და მოვალეობები

 

ჩემი გაკვეთილი მიზნად ისახავდა მოსწავლეებს გაეგოთ და გაეცნობიერებინათ პირადი უფლებები და ასევე მოვალეობები, მათი ურთიერთკავშირი. გაემდიდრებინათ  სამეტყველო და ენობრივი უნარ-ჩვევები, ჩამოყალიბებოდათ სამოქალაქო უნარ-ჩვევები, როგორიცაა თანამშრომლობა, ასევე სოციალური და სამოქალაქო კომპეტენციის უნარი. გაკვეთილი იყო ისტორიასთან ინტეგრირებული.

გაკვეთილი დავგეგმე სამი ფაზის მიხედვით.  პირველ  - პროვოცირების ფაზაში დაგეგმილი მქონდა აქტივობები: 1. პროვოცირება -  მოცემული სიტყვებით წინადადებების აწყობა, წინადადებების გაანალიზება. 2. აქტივობა -გაკვეთილის მიზნის, თემის და შეფასების რუბრიკების  გაცნობა და 3. წინარე ცოდნის გააქტიურება -  გრამატიკული წესების გაანალიზება და  გამოყენება,  რომლის მიხედვით ბავშვები გაიგებდნენ გაკვეთილის მიზანს, შეფასების რუბრიკას და გაიაქტიურებდნენ იმ საბაზისო ცოდნას, რომელზე  დაყრდნობითაც  შემდეგ შეძლებდნენ ახალი მასალის აგება-აშენებას. ამ ფაზაში ჩემი მათავარი მიზანი იყო პროვოცირების საშუალებით გამეზარდა მოსწავლეთა მოტივაცია და განწყობა, რათა გაზრდილიყო მათი ინტერესი შესასწავლი საკითხის მიმართ. რასაც მივაღწიე.

მეორე -  სიღრმისეული წვდომის ფაზაში დაგეგმილი მქონდა  აქტივობები:  წინადადებების მეშვეობით უფლებებისა და მოვალეობების განსაზღვრა. ამ ფაზაში ჩემი მთავარი მიზანი იყო გაეგოთ, გაეაზრებინათ და ჩაწვდომოდნენ ახალ მასალას, რაც დაეხმარებოდათ შეჯამების აქტივობის  წარმატებით შესრულებაში და ასევე გაემდიდრებინათ სამეტყველო უნარები. ეს აქტივობები ძალიან საინტერესო და ნაყოფიერი აღმოჩნდა, რაც მოსწავლეთა აქტიურობაში აისახა. თუმცა ცოტა რთულიც, რაც ჯგუფებში სხვადასხვა აზრის გამო აქტიურ  განხილვაში აისახა, მაგრამ ყველა წინადადების განხილვის შემდეგ, ახალი მასალა  გაიგეს და გაიაზრეს.

მესამე - რეფლექსია - შეჯამების ფაზაში დაგეგმილი მქონდა  აქტივობა - ფრაზების მეშვეობით წინადადებების შექმნა, რითიც მოსწავლეები გაანალიზებდნენ საკუთარ უფლებებსა და მოვალეობებს, გაიღრმავებდნენ თანამშრომლობისა და  გადმოცემის უნარს. ამ აქტივობით შედეგს  მივაღწიე, რაც  გამოჩნდა მოსწავლეთა მიერ მომზადებულ წინადადებებში, თუმცა რამდენიმე წინადადებას  დასჭირდა  განხილვა კატეგორიის დადგენისათვის.  

ჩემი მიზანი, რომ მოსწავლეებს  გაეგოთ  და გაეცნობიერებინათ პირადი უფლებები და მოვალეობები, მათი ურთიერთკავშირი,  გაემდიდრებინათ სამეტყველო და ენობრივი უნარ-ჩვევები, ჩამოყალიბებოდათ სამოქალაქო უნარ-ჩვევები, როგორებიცაა თანამშრომლობა, სოციალური და სამოქალაქო კომპეტენციები, მიღწეულ იქნა.

მიუხედავად იმისა, რომ გაკვეთილის სამივე ფაზაში დაგეგმილი აქტივობებით მისაღწევი  შედეგები მიღწეულ იქნა, მაინც მქონდა ხარვეზი, რომელსაც აუცილებლად გავითვალისწინებ მომდევნო გაკვეთილების დაგეგმვისას. ეს ხარვეზია - თემის სირთულე - უკეთესი იქნებოდა თემის სირთულის გამო ეს გაკვეთილი დამეყო ორ ნაწილად, ცალკე მესწავლებინა უფლებები და მოვალეობები შესაბამისი მოდალური ზმნებითურთ  და შემდეგ გაკვეთილზე  კი მათი ურთიერთკავშირის დადგენა. ასე უფრო მარტივად გასაგები იქნებოდა მოსწავლეებისათვის.

 

რეფლექსია ბაზალეთის ტბა

                                                       გაკვეთილის რეფლექსია

       2019  წლის 13 ივნისს  ქართულ  ენასა  და  ლიტერატურაში  ჩავატარე  შიდა დაკვირვების გაკვეთილი  თემაზე: ილია

ჭავჭავაძე  „ბაზალეთის ტბა“. გაკვეთილი  წარიმართა წინასწარ  შედგენილი  გეგმის  შესაბამისად, ეროვნული  სასწავლო  გეგმის  სტანდარტის  და  გაკვეთილის  მიზნის  გათვალისწინებით.  ვფიქრობ, გაკვეთილის  ძლიერი  მხარე  იყო  ეფექტურად  შერჩეული  აქტივობები  და  სწორად  გამოყენებული  სასწავლო  რესურსები,  რომლებმაც უზრუნველყვეს  მოსწავლეების  ჩართულობა,მოტივაციის ამაღლება  და  დასახული  მიზნის  მიღწევა.  შერჩეული  მეთოდები  შეესაბამებოდა  სასწავლო  აქტიობებს  და  კლასის  ორგანიზების  ფორმებს.  ამ  გაკვეთილზე  მე  და  ჩემმა  მოსწავლეებმა  შევძელით  შედეგზე  გასვლა.

       მიზნის  მისაღწევად  გამოვიყენე  სხვადასხვა  აქტივობები. გაკვეთილის  პირველ  ფაზაზე, მოტივაციის  ამაღლების  მიზნით  გამოვიყენე კითხვის დასმის სტრატეგიები, ჩამოვლის მეთოდით. გავმართეთ დისკუსია გამოვიკითხე იცოდნენ თუ არა რაიმე ლეგენდა ,თქმულება ამათუ იმ ისტორიულ გმირზე ან სოფლის ,ქალაქის სახელთან დაკავსირებით თუ იცოდნენ რაიმე ლეგენდა,ამან გამოიწვია მოსწავლეების ჩართულობა და ინტერესი. მეორე  აქტივობა იყო  წინარე ცოდნის დაკავშირება ახალ მასალასტან და გააზრებულად მსჯელობა  ილია ჭავჭავაძის შესახებ,ლეგენდების შესახებ,მოვასმენინე  ლექსის აუდიო მასალა,რომელმაც გამოიწვია მოსწავლეების დიდი ინტერესი და ჩართულობა, გამოვიყენე ასევე ფოტო მასალა ილიას ცხოვრების სესახებ და ასევე ბაზალეთის ტბის შესახებ,ასევე გამოვიყენე „ვიცი მინდა ვიცოდე“აქტივობა სადაც მოსწავლეები იყვნენ აქტიურად ჩართულები,განვიხილეთ თურა აკავშირებდა არსებულ ლეგენდას ლექსთან, მოსწავლეებმა იმსჯელეს თამარ მეფის დროს არსებულ საქართველოს სიზლიერეზეც. მოვახდინეთ ლექსის მხატვრულად წაკითხვა და განხილვა.შემდეგ მივეცი დავალება ,უნდა დაეწერათ ვინ იყო მათთვის გმირი. მოსწავლეები შევაფასე როგორც განმავითარებელი ასევე განმსაძღვრელი შეფასებით.ვთვლი რომ ამდაგვარი ჩატარებული გაკვეთილით უკეთესად გაიაზრებდნენ ახსნილ მასალას.ასევე  განუვითარდებოდათ გაგება გააზრების და თანამშრომლობის უნარი.

       გაკვეთილი  გეგმის  მიხედვით  წარიმართა  და  რაიმე  მნიშვნელოვანი  ცვლილების საჭიროება  არ  დამდგარა. დრო  გავანაწილე  მიზნობრივად  და  სრულად  გამოვიყენე  გაკვეთილის  გეგმაში  გათვალისწინებული აქტივობები.

       მსგავსი  ტიპის გაკვეთილის  ჩატარებისას  გავითვალისწინებ  იმ  ხარვეზებს, რომელიც  ჩემი  აზრით  გამოვლინდა  ამ  გაკვეთილზე. კერძოდ,შევეცდები უკუკავშირი იყოს  უფრო  კონკრეტული და გავცე უფრო მკაფიო ინსტრუქციები. ამ 

ილია ჭავჭავაძე ბაზალეთის ტბა

 

ბაზალეთის ტბა

გაკვეთილის გეგმა

ქართული ენა და ლიტერატურა                

სოფელ პტენის საჯარო სკოლის პედაგოგი

ანა მერაბიშვილი...პ|ნ  03001003677

          

მთავარი თემა	ილია  ჭავჭავაძის ლექსი ,, ბაზალეთის ტბა“ 1.ხალხური  ლეგენდა პოეტური  შთაგონების  წყარო. 2.მხატვრული  ნაწარმოების  შედარება ისტორიულ წყაროსთან.
სწავლების  საფეხური	VII კლასი
მოსწავლეთა პროფილი	კლასში  არის  3 მოსწავლე. განსაკუთრებული საჭიროების მქონე მოსწავლე არ არის.
გაკვეთილის  მნიშვნელობა/აქტუალობა	მოსწავლეები გაეცნობიან,თუ  როგორი გავლენის  მოხდენა  შეუძლია  პოეტსა  და  მწერალზე ხალხურ ფოლკლორს;როგორ შეიძლება იქცეს ლეგენდა პოეტის შთაგონების წყაროდ.გაიხსენებენ თუ რა არის  ხალხური  ზეპირსიტყვიერება.,გაიხსენებენ  მათთვის  ნაცნობ რომელიმე  ლეგენდას,გაეცნობიან თუ სად მდებარეობს ბაზალეთის ტბა და ასევე მის გეოგრაფიულ მდებარეობას.
გაკვეთილის  მიზნები და შედეგები	ქართ. VII. 2. მოსწავლეს შეუძლია სხვათა მეტყველების მოსმენა და შეფასება საკომუნიკაციო ამოცანის გათვალისწინებით. ბაზალეთის  ტბის  მდებარეობა; ილიას  დაინტერესება ლეგენდით და  ლექსის შექმნა,  ლექსში  წამოჭრილი საკითხის გამოკვეთა, ქვეყნის  არსებული  მდგომარეობის დაკავშირება  თამარის  ეპოქასთან  და  თამარის დაკავშირება  ნაწარმოების  ძირითად თემასთან ქართ. VII. 6. მოსწავლეს შეუძლია ზეპირი კომუნი-კაციის სტრატეგიების ამოცნობა და შესაბამისად გამოყენება.
წინასწარი  ცოდნა	მოსწავლეებმა იციან ხალხური  ზეპირსიტყვიერების  ნიმუშები,“ ილიას ბიოგრაფია, თამარის  ეპოქის მნიშვნელოვანი  დეტალები,
სასწავლო  მასალა და  ტექნიკური  რესურსები	სახელმძღვანელო, რვეული,  ცარცი, კომპიუტერი,პლაკატები.
გაკვეთილის  მსვლელობა	1.    A  ფაზა.    .კლასს გავაცნობ  გაკვეთილის  მიზანს.   .კლასს  ვუსვამ  რამდენიმე  მაპროვოცირებელ შეკითხვას და  ვცდილობ  უპასუხონ დასმულ  კითხვებს:ვაჩვენებ ბაზალეთის ტბის სურათებს და გამოვიყენებ „ვიცი მინდა ვიცოდე“აქტივობის მეთოდს, ცხრილს შევავსებ გაკვეთილის მსვლელობის დროს დასმული კითხვებით და მიღებული პასუხებით.მეტი სტიმულისთვის მოვასმენინებ  ლექსის აუდიო მასალას და ილიას ხმას. ·    15 წთ     ·      B ფაზა .  .ფრონტალური კითხვები:  შერომელიმე  მოსწავლეს  წავაკითხებ  ლექსს და  თითოეულ  სტროფს  გავაანალიზებინებ თითო  მოსწავლეს. ·       ლექსის  წაკითხვის  შემდეგ  დავსვამ  ფრონტალურ კიტხვებს,რომლის საშუალებით მივალთ პოეტის მთავარ სათქმელამდე:   ·   ხხალხური გადმოცემის მიხედვით რისგან წარმოიშვა ბაზალეთის ტბა? -          თქმულების თანახმად რა ასვენია ტბის ძირას? -          ვის ჩაუდგამს იქ აკვანი? -          რას ნატრობს ერი? -          რას შენატრის პოეტი? -          იმსჯელეთ, რატომ აკავშირებს პოეტი ამ აკვანს თამარ დედოფლის სახელთან? -          გამოიტანეთ დასკვნა, რას ნატრობდა ქართველი ხალხი მაშინ, როდესაც ეს ლექსი დაიწერა.რა მოხდება ყრმის დავაჟკაცების შემდეგ? ----- 20  წთ     C ფაზა. გაკვეთილის შეჯამება :მოსწავლეებს ვთხოვ თითო წინადადებით  გადმომცენ რა  დაამახსოვრდათ გაკვეთილიდან და რა იყო მათთვის მნიშვნელოვანი .--3წთ   საშინაო დავალების  მიცემა;1. ლექსი ზეპირად,დიდი ყურადღება მიაქციონ მხატვრულ კითხვას. 2. თემა  დასაწერად ,,ვინ არის დღეს თქვენთვის გმირი?“--3წთ

შეფასება

1.მოსწავლეთა წარმატებას  დავადგენ  კითხვების  საშუალებით. დავაკვირდები ,  თუ  როგორ  მსჯელობენ  ისინი და მივცემ კომენტარების სახით განმავითარებელ შეფასებას. 2.განმსაზღვრელი  შეფასება:განმსაზღვრელი  შეფასებისას  ვახდენ  მოსწავლის  ცოდნის დონის  შეფასებას:ეროვნული სასწავლო გეგმით გათვალისწინებულ მიზნებთან მიმართებაში.